Tulgua terveh Suomen sobivuttajan kielitiijon yhtistyksen AFinLAn jogavuodehizeh syvyssimpouziumah Jovensuuh 6.–8.11.2025. Sympouziuman tiemannu on ”Voimaa variaatiosta – Strength in variation – Variationens kraft – Vägie variaciespäi”. Tarkoituksennu on pidiä nägövis kielellisty moninažuttu da variaciedu sego paiči muudu niilöin eduloi da hyödylöi kielen opastandas da kielikazvatukses, ruadoelokses da kogo yhtehiskunnas. Kiinnitämmö huomavuo sežo vähembistökielih, niilöin azemah, nägyvyöh da eloivoimažuoh sego variacien merkičykseh kiännöstiijos da kiändäjänopastukses. Vuotammo paiči muudu nämmih tiemoih liittyjii ezitelmii da ruadopajaehoituksii:
- Kielelline variacii kielien opastandas da kielikazvatukses
- Monikieližys da kielelline variacii ruadoelokses
- Monikieližys, variacii da hyvinvoindu
- Kielelline variacii, vähembistökielet da kielien elvytys
- Variacii da reseptiivine monikieližys
- Variacii, kiändämine da kiändäjänopastus
Otammo vastah sežo kaikki toizii sobivuttajan kielitiijon oza-alovehii kaččelijat ezitelmät.
Ezitelmy-, posteru- da ruadopajaehoitukset pidäy työndiä 18.8.2025 sah. Järjestäjät ilmoitetah hyväksyndäs 1.10.2025 sah. Jälgimäine ilmoittavundu- da maksopäivy on 15.10.2025.
Sähköpoštuadressi: afinla2025@uef.fi
Järjestelyruadokundu: Maria Kok, Heli Paulasto, Esa Penttilä, Jaana Kolu, Lea Meriläinen, Milla Uusitupa, Ilja Moshnikov, Niko Tynnyrinen & Iiris Salminen