Tulgua terveh Jovensuuh

AFinLAn syvyssimpouzium 2025 – Vägie variaciespäi

Tulgua terveh Suomen sobivuttajan kielitiijon yhtistyksen AFinLAn jogavuodehizeh syvyssimpouziumah Jovensuuh 6.–8.11.2025. Sympouziuman tiemannu on ”Voimaa variaatiosta – Strength in variation – Variationens kraft – Vägie variaciespäi”. Tarkoituksennu on pidiä nägövis kielellisty moninažuttu da variaciedu sego paiči muudu niilöin eduloi da hyödylöi kielen opastandas da kielikazvatukses, ruadoelokses da kogo yhtehiskunnas. Kiinnitämmö huomavuo sežo vähembistökielih, niilöin azemah, nägyvyöh da eloivoimažuoh sego variacien merkičykseh kiännöstiijos da kiändäjänopastukses. Vuotammo paiči muudu nämmih tiemoih liittyjii ezitelmii da ruadopajaehoituksii:

  • Kielelline variacii kielien opastandas da kielikazvatukses
  • Monikieližys da kielelline variacii ruadoelokses
  • Monikieližys, variacii da hyvinvoindu
  • Kielelline variacii, vähembistökielet da kielien elvytys
  • Variaatio ja reseptiivinen monikielisyys
  • Variacii, kiändämine da kiändäjänopastus

Otammo vastah sežo kaikki toizii sobivuttajan kielitiijon oza-alovehii kaččelijat ezitelmät.

Tapahtumupaikku

Simpouzium pietäh Päivännouzu-Suomen yliopiston Jovensuun kampuksel Agora-talois, kudai on on keskel kampusalovehtu 10 minuutan kävelymatkan piäs Jovensuun keskilinnas sego ihan autoubussuazetuskohtien vieres. Tieduo kampusaloveheh da suabumizeh niškoi (julgizen liikendehen aigulistat, mašinan azetundumaksut da m.i.) lävvät täl sivustol: https://www.uef.fi/fi/joensuun-kampus.

Programmu

[TBA]

Abstraktukniigu

Abstraktukniigu jullatah myöhembä Programmu-sivul.

Ezitelmät

Suullizet ezitelmät

Yliopiston zualois on tavanomaine tiedokoneh- da dataprojektoruvarustus. Ezityszualoin konehis on käytös Office 365, käytäthäi parembi Powerpoint-ezitysty. Gu ezitykseh kuuluu video- libo iänitiijosto, kuhkutammo niilöin upottamistu Powerpoint-ezitykseh.

Kyzymmö ezitelmänpidäjiä tuomah oman ezitelmän dia- libo muun ainehiston mustotikul enne oman sessien algamistu. Nenga varmistammo, gu ezitelmien välizet siirrot mennäh hyvin da vältämmö tehniellizii probliemoi.

Tiemattizet ruadopajat

Tiemattizien ruadopajoin järjestelylöis vastatah ruadopajoin pidäjät. Käytös ollah samat laittehet gu sekciiezitelmis.

Posteruezitelmät

Posterusessii pietäh [TBA]. Kheoitammo, gu posteru on printattu pystyi da on A0-suuruine. Toivommo, gu luadijat seizotah posteroin vieres posterusessien aigua da ezitelläh omua ruaduo.

Langatoi verko

Päivännouzu-Suomen yliopistol ruadau avvonaine langatoi verko “uef-open”, kudamua voibi käyttiä ilmai käyttäitunnustu da salasanua.

Koufiet da syömizet

Simpouziuman ozanotandumaksuh kuulutah koufeit/čuajut. Ilmoitathäi edukädeh, ollou sinul midä syömisrajoitustu.

Linnan vastahotto

[TBA]

Ozanotandutovestus

Gu tahtonet suaja simpouziuman järjestäjilpäi kirjallizen ozanotandutovestuksen, ota yhtevytty järjestelytoimikundah edukädeh.