Ezitelmykučču

Simpouziuman ruadomuodoloi ollah suullizet ezitelmät, posterat sego tiemattizet ruadopajat. Kielenny voibi olla suomi, anglii libo ruočči. Sežo toiziigi kielii voibi käyttiä, ga niilöis pidäy sobie järjestäjienke edukädeh. Kannustammo käyttämäh enne kaikkie varavonalazii kielii. Gu ollou ezitelmäs tarkoitus käyttiä mondu eri kieldy, mainiče abstraktas, mittumal kielel libo kielil ezitelmiä voibi sebrata da kuunnella.

Jälgimäine päivy työndiä ezitelmy- da ruadopaja-abstraktat on 18.8.2025. Järjestäjät ilmoitetah hyväksyndäs 1.10.2025 sah. Jälgimäine päivy ilmoittavundu- da maksopäivy on 15.10.2025.

Suullizet ezitelmät

Ezitelmän piduhus on 20 minuuttua, da paginoih da kyzymyksih pidäy jättiä 10 minuuttua aigua. Abstraktan piduhus on enindäh 300 sanua viittehet yhteh lugijen.

Posterat

Posteran parembi olla A0-suuruine. Abstraktan piduhus on enindäh 300 sanua viittehet yhteh lugijen.

Tiemattizet ruadopajat

Tiemattizet ruadopajat kestetäh 90 libo 180 minuuttua, da niilöis voibi pidiä toine toizeh liittyjii ezitelmii. Ruadopajas voibi olla sežo algu- da/libo loppupagin. Ruadopajan pidäjät iče piätetäh ezitelmien suuruon da ruadotavan muvvot sego kirjutetah yleiskuvavuksen ruadopajah niškoi da ilmoitetah ozanottajien nimet da ezitelmien oččikot ezitysjärjestykses (kaikkiedah enindäh 500 sanua). Ližäkse ruadopajan pidäi työndäy ezitelmien abstraktat (enindäh 300 sanua yhtes viittehienke).

Muudu huomavuo

Ezitelmän pidämine AFinLAn syvyssimpouziumas edellyttäy AFinLAn libo muun AILAn jäzenjärjestöh kuuluvuttu. Yhtehizis ezitelmis tämä koskou vähimyölleh yhty paginan pidäjiä. Ruadopajan kaikkien vedäjien pidäy kuuluo jäzenih. Ližätieduo jäzenekse liittymizes lövvät täs: http://www.afinla.fi/jaseneksi

Migäli sinunn ezitelmy kuuluu kuduahgi AFinLAn tiemuverkoston alah, kyzymmö ilmoittamah sih niškoi abstraktas. Tädä tieduo kyzymmö ohjelman luadimistu niškoi eigo se vaikuta abstraktat arvivoh. Ližätieduo tiemuverkostolois: https://afinla.fi/teemaverkostot/